Arquivo de audio
Trátase da igrexa máis antiga de todas as 17 parroquias de Salvaterra. Data do ano 1580 e foi erixida baixo os canons da arte renacentista. Non obstante, a súa estrutura é propia das igrexas románicas medievais, considerando a posibilidade de que fora capela do antigo castelo de Salvaterra. No seu interior destaca a talla do Santísimo Cristo da Vitoria, datado do 1733, en homenaxe, posiblemente, á vitoria sobre os portugueses na reconquista da vila.