É un dos edificios máis representativos de toda a comarca e parte do antigo castelo medieval que deu acubillo a monarcas como Dona Urraca. Declarado Ben de Interese Cultural no ano 1949, no seu interior aínda se pode contemplar unha curiosa escaleira de caracol de dobre vertente, exemplar único en España, que comunica as súas dúas amplas estancias abovedadas. Actualmente, dende 2019, alberga o Museo da Ciencia do Viño do Condado do Tea.
É altamente didáctico, a través de pantallas táctiles, vídeos ou xogos, o visitante poderá aprender, divertíndose ao mesmo tempo, curiosidades acerca das diferentes etapas de traballo realizadas, tanto en campo como en adega, para a obtención dos característicos e afamados viños da comarca: brancos, tintos e espumosos.