Arquivo de audio
O lendario e nobre Pedro Álvarez de Soutomaior, máis coñecido como Pedro Madruga, mandará construir no século XV un castelo sobre a zona máis elevada da fortaleza, a "Casa do Conde", denominada así dende entón. Actualmente, só se conserva a base da edificación orixinal, sendo os pisos superiores de principios do século XX. A súa función inicial foi a de servir de residencia nobiliaria e, hoxe en día, forma parte das instalacións do Museo da Ciencia do Viño do Condado do Tea.